Ҡәҙерле ҡунаҡтар, һеҙҙе үҙемдең сайтымда күреүемә бик шатмын!

Минең исемем Зарипова Юлиә Вил ҡыҙы. Сибай ҡалаһы, "Айгөл" балалар баҡсаһы тәрбиәсеһемен.

Тәрбиәсе – изгелек, яҡшылыҡ орлоҡтарын сәсеүсе ул. Тик сәскән орлоҡтарҙан нимә үҫеп сығыр һуң? Был һорауға бер кем дә яуап бирә алмаҫ. Бары тик тәрбиәсе генә балаларҙың киләсәге өсөн үҙ өҫтөнә ошо яуаплылыҡты ала. Белем, тәжрибә, балаларға һөйөү, уларға ышаныу – илһамлы сәсеүсе орлоҡтары. Хатта сәсеүсе лә түгел, ә баҡсасы, сөнки һәр үҫентеһен ихлас тәрбиәләй, киләсәктә уларҙың шаулар урман булырына ышана ул.